اسلام آباد۔31اکتوبر (اے پی پی) وزیراعظم محمد شہباز شریف داکساناں کیتے پاکستان دی تاریخ دے ساریاں توں وݙے قومی زرعی پیکیج دا اعلان کر ݙتے جئیں دے تحت کساناں کوں گزریل سال دے مقابلے چار سو ارب روپے توں ودھ دے قرضے ݙتے ویسن۔ پاکستان دی معاشی ترقی دا انحصار زرعی ترقی تے اے۔ ??یں کیتے کساناں دے مسئلیاں دا حل ضروری اے۔ ??نوار کوں وزیراعظم آفس اچ وفاقی وزر اء اسحاق ڈار، طارق بشیر چیمہ اتے ٻئے دے رلے پریس کانفرنس توں خطاب کریندیں ہوئیں وزیراعظم آکھیاجو چھل پاروں 40 لکھ ایکڑ تے کھڑی فصلاں تباہ تھین، وفاق 70 ارب روپے بے نظیر انکم سپورٹ پروگرام اتے 18 ارب روپے این ڈی ایم اے دے ذریعے تقسیم کیتے۔ کساناں کوں 1800 ارب روپے دے قرضے ݙتے ویسن جیڑھے جو گزریل سال دے مقابلے چار سو ارب توں زیادہ ہن۔ چھوٹے کاشتکاراں دے قرضے اچ ریلیف کیتے 10 ارب 60 کروڑ روپے رکھیے ڳن۔ متاثرہ علاقیاں اچ چھوٹے صوبیاں کوں صوبائی حکومت نال رَل تے 8 ارب 60 کروڑ روپے ݙتے ویسن۔ دیہاتی علاقیاں اچ ??ے روزگار نینگراں کوں قرض پروگرام اچ رَلا ڳھدا ڳے ایں کیتے 50 ارب روپے رکھیے ڳئن۔ ایں تے 6 ارب 40 کروڑ روپے دی سبسݙی ݙتی ویسی۔ انہاں آکھیا جو ڈی اے پی دا زرعی پیداوار ودھاوݨ اچ اہم کردار اے۔ ??کومت میݙی ذاتی خواہش تے 2500 روپے فی بوری نرخ کرائے۔ ??یں نال کاشتکاراں کوں 58 ارب روپے دا فائدہ تھیسی۔ ہݨ 11 ہزار 250 روپے فی بوری ملسی جیڑھی جو 14 ہزار دے نیڑے ہئی۔ جیڑھے وزیراں اتے افسراں اے رقم کرائی اے۔ ??نہاں کوں عوامی تحسین ݙتی ویسی۔ وزیراعظم آکھیا جو چھل توں متاثرہ علاقیاں کیتے 12 لکھ سرٹیفائیڈ بیجزکیتے 13 ارب روپے رکھیے ڳن ایں اچ وفاق اتے صوبے پنڄاہ ، پنڄاہ فیصد حصہ پیسن۔ چھل دے علاقیاں کیتے بلاسود پنڄ ارب روپے قرض سبسڈی ݙتی ویسی۔ پی آئی یو 4 ہزار توں ودھا تے ݙاہ ہزار تئیں کر ݙتے جئیں دی بنیاد تے ہݨ کاشتکار ودھ قرضے ڳھن سڳسن۔ ایس ایم ایز معیشت اچ ریڑھ دی ہݙی ہوندن۔
وزیراعظم محمد شہباز شریف داکساناں کیتے پاکستان دی تاریخ دے ساریاں توں وݙے قومی زرعی پیکیج دا اعلان
اسلام آباد۔31اکتوبر (اے پی پی) وزیراعظم محمد شہباز شریف داکساناں کیتے پاکستان دی تاریخ دے ساریاں توں وݙے قومی زرعی پیکیج دا اعلان کر...
مضمون کا ماخذ : پریمیوس لوٹومینیا
